عزاداری اور ہمارے فرآئض
عزاداری اور ہمارے فرآئض
بسم اللہ الرحمن الرحمن
از قلم سید رضا حسین رضوی
مقدمہ
ماہ محرم کی آمد سے پہلےمحبین اہلبیت (ع) و عاشقان حسین(ع) اپنے اپنے طریقوں سےمحرم کے استقبال کا انتظام کر تےہیں۔ عوامی طبقہ منتظر ہوتا ہے کہ سید الشھدا ع کا غم منا کر، ان کے پیغام کو اپنی زندگیوں کے لیےمشعل راہ قرار دے۔
اسی طرح ایک طبقہ ان مخلص منتظمین کا ہے جو اس کار خیر کو ایک مذھبی ذمہ داری سمجھتا ہے اور اپنی پوری جاں فشانی کے ساتھ مجالس حسین(ع) کے انعقاد کے انتظامات کرتے ہیں، کہ کہیں عزداران سید شہدا ء(ع) کو مشکلات کا سامنا نہ کرنا پڑے۔ یہ اپنے اوپر لازم سمجھتے ہیں کہ عزاداروں کی روحانی اور معنوی غذا کی فراہمی کے ساتھ ساتھ انکے حفاظتی اقدامات پر بھی توجہ دیں۔
انھیں میں سے ایک طبقہ علماء و ذاکرین کا ہے جو اس ابدی پیغام کو جو کہ رہتی دنیا تک آنے والے انسان کے لیے سرمایہ حیات ہے، لوگوں تک پہنچاتے ہیں ۔
یہ سب سفیران حسین(ع) کا کردار ادا کرنے کے لیے کوشاں ہیں۔ سوال یہ پیدا ہوتا ہے کہ ان میں سےکون اپنی ذمہ داری کو اسطرح انجام دیتا ہے جیسا کہ امام حسین(ع) ہم سے چاہتے ہیں؟
